მაისიდან ქართული გადამზიდავი Express Batumi ბათუმსა და სოჭს შორის საზღვაო მიმოსვლის განახლებას გეგმავს. როგორც კომპანიის ხელმძღვანელი ზურაბ კირცხალია განმარტავს, კურორტებს შორის მიმოსვლას მაისის ბოლო რიცხვებიდან დაიწყებენ, რომელიც მთელი ზაფხულის განმავლობაში გასტანს.
აღნიშნულ რეისზე „კომეტა“ თავდაპირველად კვირაში ერთ რეისს განახორციელებს და ერთდროულად 114 მგზავრის გადაყვანას შეძლებს. ერთი მგზავრის გადაყვანის ღირებულება (ერთი გზა) შესაბამის ვალუტაში (ლარი, რუბლი) 100 დოლარის ეკვივალენტია.
თუმცა როგორც Express Batumi-ში განმარტავენ, თუ კი აღნიშნულ მარშრუტზე მოთხოვნის ზრდა დაფიქსირდება კომპანია სიხშირეებსაც გაზრდის.
