ბორჯომის ხეობაში გაჩენილი ხანძარი ლიკვიდირებულია.
ამის შესახებ "ჯი-ეიჩ-ენს" სატყეო დეპარტამენტის თავმჯდომარემ პაპუნა ხაჩიძემ განუცხადა.
"ბორჯომის ხეობაში ხანძრის კერები ლიკვიდირებულია, მიუხედავად ამისა რეინჯერბი მუდმივ მონიტორინგს ახორცილებენ, რომ ხანძრის თავიდან გაჩენა ავიცილოთ", - განაცხადა ხაჩიძემ.
მისივე თქმით, ხეობაში ხანძრის კერების საბოლოო ლიკვიდაცია გუშინ დღის ბოლომდე მოხერხდა.
როგორც ცნობილია, ხანძრის ლიკვიდაციის პროცესს სამცხე-ჯავახეთის მეხანძრეებთან ერთად, შიდა ქართლის და იმერეთის შესაბამისი სტრუქტურების თანამშრომლებიც შეუერთდნენ. მეხანძრეებს ადგილობრივი მოსახლეობა და შინაგან საქმეთა სამინისტროს თანამშრომლებიც ეხმარებიან.
წინასწარი მონაცემებით, დამწვარია 15 ჰექტარამდე ფართობი. დაიწვა იშვიათი ჯიშის ხეებიც.
ხანძრის ჩაქრობაში ჩართულია ვერტმფრენები და სახანძრო მანქანები. სულ კერების ლიკვიდირებას 150-ზე მეტი მეხანძრე და ადგილობრივი მოსახლეობა ცდილობს.
