ომანის საგარეო საქმეთა მინისტრის, ბადრ ალ-ბუსაიდის თქმით, აშშ-სა და ირანს შორის ტექნიკური მოლაპარაკებების შემდეგი რაუნდი მომავალ კვირას ვენაში გაიმართება. ამის შესახებ მინისტრი X-ზე წერს.
ალ-ბუსაიდის თქმით, აშშ-სა და ირანს შორის 26 თებერვალს ჟენევაში გამართული მოლაპარაკებების დროს მხარეებმა „მნიშვნელოვან პროგრესს“ მიაღწიეს.
ახლა, მისი თქმით, ორი ქვეყნის წარმომადგენლები კონსულტაციებს გამართავენ თავიანთ მთავრობებთან, რის შემდეგაც ისინი ტექნიკურ დონეზე განაახლებენ დისკუსიებს.
აღნიშნულია, რომ თეირანსა და ვაშინგტონს შორის მოლაპარაკებების ბოლო რაუნდი ირანის ბირთვულ პროგრამას ეხებოდა.
მანამდე Reuters-მა გაავრცელა ინფორმაცია, რომ ირანმა გამოთქვა მზადყოფნა, შეერთებულ შტატებთან მოლაპარაკებების დროს დათმობებზე წავიდეს ბირთვულ პროგრამასთან დაკავშირებით, სანქციების მოხსნისა და ურანის გამდიდრების შესაძლებლობების შენარჩუნების სანაცვლოდ. კერძოდ, თეირანი ამერიკულ კომპანიებს სთავაზობს კონტრაქტორებად მონაწილეობის შესაძლებლობას მის ნავთობისა და გაზის ინდუსტრიაში.
აშშ-ის ოფიციალური პირების თქმით, ამჟამინდელი დიპლომატიური ზეწოლა, სავარაუდოდ, უკანასკნელი შესაძლებლობაა, რომელსაც პრეზიდენტი ტრამპი ირანს მისცემს აშშ-ისრაელის მასშტაბური სამხედრო ოპერაციის დაწყებამდე, რომლის სამიზნეც შესაძლოა უზენაესი ლიდერი ალი ხამენეი იყოს.
