BBC -ს ცნობით, შშ-ს პრეზიდენტი დონალდ ტრამპი სირიიდან ჯარს არ გაიყვანს. მიუხედავად წინა კვირას მიცემული დაპირებისა, რომ აშშ ძალიან სწრაფად დატოვებდა სირიის ტერიტორიას.
როგორც ცნობილი ხდება, ამ გადაწყვეტილების მიღება ტრამპს თავისმა მრჩეველებმა გადააფიქრერბინეს და არგუმენტად მოიყვანეს ის ფაქტი, რომ ექსტრემისტული დაჯგუფებები შესეძლოა უფრო გააქტიურდნენ.
თეთრ სახლში განაცხადეს, რომ სირიაში აშშ-ს სამხედრო ყოფნა მალე დასრულდება, მაგრამ კონკრეტული ვადები ჯარის გაყვანასთან დაკავშირებით არ დაასახელეს. როგორც განცხადებაშია ნათქვამი, ისლამისტური სახელმწიფოები თითქმის მთლიანად განადგურებულია და აშშ-მ გაიარა კონსულტაციები მოკავშირეებთან შემდგომი ქმედებების შესახებ.
როგორც ამერიკულ სატელევიზიო არხ NBC-ს, თეთრი სახლის თანამშრომელმა ანონიმურად განუცხადა, სამშაბათს გამართულ შეხვედრაზე ტრამპი მაინც დათანხმდა სირიაში ჯარის დატოვებას განუსაზღვრელი ვადით. პრეზიდენტი, რბილად რომ ვთქვათ, არაა ამით გახარებული. დასძინა წყარომ NBC-სთან საუბარში.
ცნობისთვის, აშშ-ს ძალები სირიაში 2 ათასამდე სამხედროს ითვლის. ბოლო სამი წლის მანძილზე აშშ-ს სამხედრო საჰაერო ძალების მხარდაჭერით სირიის დემოკრატიულმა ძალებმა მოიპოვეს ისლამური სახელმწიფოების რამდენიმე ათეული ათასი კვადრატული კილომეტრის ტერიტორია.
