ქართულ ბაზარზე კიდევ ერთი სახეობის ადგილობრივი ჩაი გამოჩნდება. სამომხმარებლო ბაზარზე ახალი ჩაის პროდუქცია "აგრო-ექსპორტის" წარმოებისაა.
პირველ ეტაპზე ჩაისუბნის მწვანე და შავი ჩაის რეალიზაცია მხოლოდ საქართველოში მოხდება, თუმცა იგეგმება მისი ექპორტზე გატანაც.
ჩაის გადამამუშავებელი საწარმო "აგრო-ექსპორტი" აჭარის მთავრობის თავმჯდომარემ აჭარის სოფლის მეურენეობის მინისტრთან ერთად მოინახულა.
"უახლოეს დღეებში სარალიზაციოდ კიდევ ერთი სახეობის ქართული ჩაი გავა. პირველ ეტაპზე ჩაისუბნის მწვანე და შავი ჩაის რეალიზაცია მხოლოდ საქართველოში მოხდება, თუმცა იგეგმება მისი ექპორტზე გატანა. მცირე და საშუალო ბიზნესის ხელშეწყობა მთავრობის პრიორიტეტია", - აღნიშნა აჭარის პირველმა პირმა.
"აგრო-ექსპორტი" ჩაის ფოთოლს ადგილობრივი ფერმერებისგან ყიდულობს. შემეგომ ხდება მისი გადამუშავება, დახარისხება და დაფასოება.