მარტში საცალო ქსელში საწვავი გაიაფდა. ფასის კლება დაფიქსირდა ბრენდირებულ ავტოგასამართ სადგურებზე საშუალოდ 2-4 თეთრით ლიტრზე. კერძოდ, დღეისათვის საწვავის საშუალო საცალო ფასები საქართველოს საცალო ქსელში ბრენდირებულ გასამართ სადგურებზე შეადგენს: რეგულარი ტიპის ბენზინი - 2,09-2,24 ლარი/ლიტრზე, პრემიუმი ტიპის ბენზინი - 2,24-2,33 ლარი/ლიტრზე, სუპერი ტიპის ბენზინი - 2,37-2,49 ლარი/ლიტრზე, ევრო დიზელის საწვავი - 2,25-2,36 ლარი/ლიტრზე.
აღსანიშნავია ასევე საქართველოს ეროვნული ვალუტის - ლარის გაცვლითი კურსი დოლართან მიმართებაში. მარტის თვეში ლარი დოლართან მიმართებაში გამყარდა. კერძოდ, მარტის დასაწყისში ლარის ოფიციალური გაცვლითი კურსი დოლართან მიმართებაში შეადგენდა 2,4692 ერთეულს და თვის ბოლოს მისი გაცვლითი კურსი დოლართან მიმართებაში შეადგენდა 2,4144 ერთეულს.
