საქართველოს ტექნიკური უნივერსიტეტის პროფესორ-მასწავლებლებსა და იმ სტუდენტებს, რომლებიც სოციალურ მეცნიერებებს ეუფლებიან,უახლოესი მომავლიდან, ჩინეთის სახალხო რესპუბლიკასთანგანათლების სფეროშითანამშრომლობის მრავალმხრივი შესაძლებლობა მიეცემათ. სამომავლო კოოპერაციის პერსპექტივა, რომელზეც, დღეს,საქართველოს ტექნიკური უნივერსიტეტის რექტორმა, აკადემიკოსმა არჩილ ფრანგიშვილმა და ჩინეთისსოციალურ მეცნიერებათა აკადემიის დელეგაციის ხელმძღვანელმა, ფროფ. პი ჩანგჰონგმა იმსჯელეს, თანამშრომლობის მემორანდუმის ხელმოწერით გამყარდა.
ჩინეთის დელეგაციის ხელმძღვანელის, პი ჩანგჰონგის განცხადებით,სტუ-სა და ჩინეთის სოციალურ მეცნიერებათა აკადემიას შორის თანამშრომლობა არა მხოლოდ სასწავლო, არამედ კვლევით და ეკონომიკურ პროცესებსაც მოიცავს.
„ჩინეთში სამი მძლავრი სახელმწიფო აკადემიაა - მეცნიერებათა, საინჟინრო და სოციალურ მეცნიერებათა აკადემიები. სწორედ ეს სამი აკადემია ქმნის ჩინეთში სახელმწიფო პოლიტიკასმეცნიერებასა და ტექნოლოგიებში. სტუ-მ მემორანდუმი გააფორმა სოციალურ მეცნიერებათა აკადემიასთან, სადაც 30 კვლევითი ინსტიტუტიშედის. ეს სერიოზული ინსტიტუციაა, რომელმაც თანამშრომლობა შემოგვთავაზა ეკონომიკის, სოციალური მეცნიერებებისა და მედიატექნოლოგიების მიმართულებით. თანამშრომლობის სპექტრი საკმაოდ დიდია და ეს, პირველ რიგში,ჩვენი უნივერსიტეტის ინტერესებში შედის, რადგანამ მიმართულების 5 000-ზე მეტი სტუდენტი გვყავს და საკმაოდ სერიოზული კვლევითი პოტენციალი გაგვაჩნია. ამას გარდა, ტექნიკურ უნივერსიტეტში ჩინეთის ინსტიტუტიც ფუნქციონირებს. ამდენად, ის, რაზეც დღეს შედგა საუბარი პირდაპირ კავშირშია, როგორც ეკონომიკურ განვითარებასთან, ასევე, ჩინელ კოლეგებთან ერთად, სხვადასხვა სასწავლო პროგრამის ამოქმედებასთან“, - განაცხადა საქართველოს ტექნიკური უნივერსიტეტის რექტორმა, არჩილ ფრანგიშვილმა.
სტუმრებმა საქართველოს ტექნიკურ უნივერსიტეტის მედიაცენტრიც დაათვალიერეს.დღესვე, ქართული და ჩინური მხარე ლოჯისტიკის ცენტრის ჩამოყალიბების გეგმასაც განიხილავს.აღნიშნული ცენტრი ჩინური მხარის ხელშეწყობითა და საქართველოს ტექნიკური უნივერსიტეტის მონაწილეობითუნდა შეიქმნას.
