არარეზიდენტ პირებს საქართველოში კომპანიების ონლაინ რეგისტრაციის საშუალება მიეცემათ. როგორც საქართველოს პრემიერ-მინისტრმა განაცხადა, ეს ინიციატივა საშუალებას მისცემს უცხოელ ინვესტორებს, ონლაინ რეჟიმში დაარეგისტრირონ საქართველოში კომპანიები და გახსნან ანგარიშები საბანკო სისტემაში.
„მათ ასევე ონლაინ რეჟიმში შეეძლებათ ჩვენს ქვეყანაში კომპანიის მართვა, ფიზიკურად აქ ყოფნის გარეშე. რა თქმა უნდა, ეს არის ძალიან კომპლექსური საკითხი, მნიშვნელოვანი - საერთაშორისო საფინანსო ინსტიტუტებთან, სავალუტო ფონდთან კოორდინაციის კუთხით. დარწმუნებული ვარ, ეს ინიციატივა იქნება ძალიან მნიშვნელოვანი ახალი შემოსავლის წყარო ჩვენი ქვეყნისთვის და ჩვენ საშუალებას მოგვცემს, კიდევ უფრო მეტად მოვახდინოთ ჩვენი ქვეყნის პოზიციონირება, როგორც საერთაშორისო ფინანსური ცენტრისა არა მხოლოდ რეგიონში, არამედ მის მიღმა“, - განაცხადა გიორგი კვირიკაშვილმა, რომემაც დღეს ფინანსთა მინისტრის მიერ ინიცირებული სამი ახალი რეფორმა გაღჟერა, რომელიც გიორგი კვირიკაშვილის განმარტებითვე, დამატებით ჟანგბადს მისცემს, განსაკუთრებით მცირე მეწარმეებს.
