რუსთავში, მაიაკოვსკის ქუჩაზე ორმა პირმა გამოძახებაზე მიმავალი სასწრაფო-სამედიცინო დახმარების ბრიგადის ავტომანქანა დააზიანა.
არსებული ინფორმაციით, მანქანას ნასვამ მდგომარეობაში მყოფი ორი მამაკაცი წინ გადაუდგა. მათ დააზიანეს წინა საქარე მინა და ძრავის ხუფი.
ნასვამ მდგომარეობაში მყოფმა მამაკაცებმა წინააღმდეგობა ადგილზე მისულ სამართალდამცავებსაც გაუწიეს.
შინაგან საქმეთა სამინისტროს ინფორმიაციით, სამართლის საქმე 239-ე მუხლით აღიძრა, რაც ხულიგნობას გულისხმობს.
უწყების ინფორმაციით, ორივე პირი დაკავებულია.
