ჰონ-კონკური ავიაკომპანია Cathay Pacific-ის მენეჯმენტმა პირველად 72 წლის განმავლობაში, ბორტგამყოლებს შარვლის ტარების უფლება მისცა.
როგორც The Independent-ი წერს, ავიაკომპანია 1946 წელს შეიქმნა და მისი ბორგამყოლების უნიფორმას თეთრი პერანგი, წითელი ქვედაბოლო და შავი ფეხსაცმელები შეადგენდა. სურვილისამებრ შესაძლებელი იყო წითელი პიჯაკის ტარებაც.
წლების განმავლობაში მიუხედავად უამრავი პეტიციისა ბორტგამყოლებმა ვერ მიაღწიეს იმას, რომ კაბის ნაცვლად შარვალი ეტარებინათ.
თუმცა ავიაკომპანიის მენეჯმენტმა გადაწყვეტილება შეცვალა და თანამშრომლებს არჩევანის საშუალება მისცა, მათ სურვილის მიხედვით შარვლის ან ქვედაბოლოს ტარება შეუძლიათ.
Cathay Pacific-ის უნიფორმის ბოლო მოდელის პრეზენტაცია 2011 წელს მოეწყო და ის დიზაინერმა ედი ლარიმ შექმნა.
