მარტის მონაცემებით მიკრო და მცირე მეწარმეობის ხელშეწყობის პროგრამის ფარგლებში სააგენტოს "აწარმოე საქართველოში" ფარგლებში, მხარდაჭერილია 5 313 პროექტი, რომელთა ჯამური ინვესტიციის მოცულობა შეადგენს 50 მლნ ლარამდე, ამასთანავე თანადაფინანსების სახით გაიცა 22 949 474 ლარი, სადაც გვყავს 8 412 ბენეფიციარი.
მიკრო და მცირე მეწარმეობის ხელშეწყობის პროგრამა გულისხმობს საქართველოს რეგიონებში მიკრო და მცირე მეწარმეობის ხელშეწყობას ფინანსური და ტექნიკური მხარდაჭერის გზით. აღნიშნული პროგრამა გამიზნულია როგორც ახალი ბიზნესის წამოწყებისთვის, ასევე არსებულის გაფართოება/გადაიარაღებისთვის.
მიკრო და მცირე მეწარმეობის ხელშეწყობის პროგრამა ხელს უწყობს რეგიონული მოსახლეობის გააქტიურებას წამოიწყონ ან გააფრთოვონ საკუთარი ბიზნესი. ფინანსური დახმარების გაწევის გზით რეგიონის მაცხოვრებლებს ეძლევათ შესაძლებლობა წამოიწყონ საკუთარი საქმე, ხოლო საკონსულტაციო კომპონენტის არსებობა უზრუნველყოფს დაინტერესებული პირების ცოდნის ამაღლებას ბიზნესის კეთების კუთხით.
ახალი ეტაპის ფარგლებში, ყველა გამარჯვებული ბენეფიციარი გამოვლენილია და დაწყებულია ხელშეკრულებების გაფორმების პროცესი, რომელიც უახლოეს მომავალში დასრულდება.
პარალელურად მიმდინარეობს თანადაფინანსების პროცესიც, რომელიც ოქტომბრის თვის ბოლოს დაიწყო და ჯამში დღევანდელი დღის მდგომარეობით დაფინანსებულია 865 პროექტი.
