მარტში საქართველოში იმპორტირებული ხორბლიდან ყველაზე ძვირი უკრაინიდან შემოტანილი ხორბალი იყო, რომლის ფასმაც ტონაზე 201,5 დოლარი შეადგინა. მარტში საქართველომ ყაზახეთიდან, უკრაინიდან და რუსეთიდან 41 ათას 650 ტონა ხორბალი შემოიტანა, რომლის უდიდესი ნაწილიც რუსეთზე მოდის. სტატისტიკური ინფორმაციის მიხედვით ყაზახეთიდან შემოტანილი ხორბლის ღირებულებამ ტონაზე 198 დოლარი შეადგინა, ხოლო რუსეთიდან შემოტანილი ხორბლის ფასი ტონაზე 191,4 დოლარიდან 199,5 დოლარამდე მერყეობდა.
