მიმდინარე წლის ტურისტული სეზონისათვის ბათუმის ბულვარში სანაპიროზე გადასასვლელი ადაპტირებული ბილიკები მოეწყობა. ხის კონსტრუქციის ტრასნფორმირებადი ბილიკები რვა სხვადასხვა ლოკაციაზე დამონტაჟდება და კონკრეტული ტერიტორია ბილიკების მოსაწყობად ტენდერის დასრულების შემდგომ განისაზღვრება. გადასასვლელი ბილიკები სრულად იქნება ადაპტირებული შშმ პირთა და ეტლით მოსარგებლეთათვის. გასულ წელთან შედარებით, ბილიკების სიგანე 1,2 მ და მაქსიმალური სიგრძე 80 მეტრს შეადგენს.
ბათუმის ბულვარის ადმინისტრაციამ, ადაპტირებული ბილიკების დამზადება-მოწყობისათვის ელექტრონული ტენდერი 30 მარტს გამოაცხადა. სამონტაჟო სამუშაოები ტენდერის დასრულების შემდეგ დაიწყება, რისთვისაც ბიუჯეტიდან 41 902 ლარია განსაზღვრული.
საპლაჟე ინფრასტრუქტურის მოწყობა სანაპირო ზოლში მაისის თვიდან იგეგემება.
