ჩვილ ბავშვთა სახლის დასახმარებლად 31 მარტს, თბილისის სააპელაციო სასამართლოს თანამშრომლებმა და მოსამართლეებმა აქცია ჩაატარეს.
სასამართლოს თანამშრომლებმა მოსამართლეებთან ერთად, თბილისის ჩვილ ბავშვთა სახლი მოინახულეს. აქციის მონაწილეებმა ბავშვებს სათამაშოები, ტკბილეული, მცირე საოჯახო ტექნიკა და საბავშვო მხატვრული ლიტერატურა გადასცეს.
ღონისძიების მიზანია სოციალურად დაუცველ ბავშვებზე ზრუნვა და მათი თანადგომა.
სააპელაციო სასამართლოს თამანშრომლების მხრიდან ეს იყო პირველი სტუმრობა ჩვილ ბავშვთა სახლში, სასამართლოს თანამშრომლები მომავალშიც აქტიურად გეგმავენ მსგავსი ტიპის საქველმოქმედო აქციების განხორციელებას.
