თბილისის მერი კახა კალაძე სამების საკათედრო ტაძარში ბზობის დღესასწაულისადმი მიძღვნილ საზეიმო წირვას დაესწრო და მართლმადიდებელ ერს ბზობის დღესასწაული მიულოცა.
„დღევანდელ დღეს ვულოცავ სრულიად საქართველოს და ყველა მართლმადიდებელ ქრისტიანს. მინდა გისურვოთ სულიერი სიმშვიდე, კეთილდღეობა, სიყვარულით და სიკეთით გაჯერებული ყოველი დღე“, - განაცხადა კახა კალაძემ.
მართლმადიდებლური სამყარო დღეს ბზობის დღესასწაულს აღნიშნავს. ამასთან დაკავშირებით ტაძრებში საზეიმო ღვთისმსახურება აღსრულდა.
