ამერიკელ მსახიობსა და მომღერალს უილ სმიტს რობოტ სოფიასთან პაემანი ჰქონდა. ვიდეოჩანაწერი უკვე გამოქვეყნებულია მის YouTube არხზე.
კაიმანის კუნძულებზე, ერთ-ერთი სასტუმროში შეხვედრისას, სმიტი სოფიას ეფლირტავა კიდეც და ბოლოს კოცნაც დაუპირა. ამ ყველაფერზე კი სმიტმა უარი მიიღო და სოფიამ მას „მეგობრებად დარჩენა“ შესთავაზა.
აღნიშნულ შეხვედრაზე რობოტმა სოფიამ უილ სმიტის მუსიკალური შემოქმედება გააკრიტიკა.
როგორც ცნობილია სოფია კომპანია Hanson Robotics-მა შექმნა. ანდროიდი 2015 წელს გააქტიურეს. მას 60 ემოციის გამოხატვა და რთული საუბრების წარმოება შეუძლია.
2016 წელს ერთ-ერთ ინტერვიუში, კითხვაზე მოკლავდა თუ არა ის ადამიანს, დადებითი პასუხი გასცა. 2017 წლის ოქტომბერში კი სოფიამ საუდის არაბეთის მოქალაქეობა მიიღო და შესაბამისად ის გახდა პირველი რობოტი, რომელსაც მოქალაქეობა აქვს.
