13 წლის მოზარდი, რომელზეც ლიფტში იძალადეს, ნევროლოგიური პრობლემებით კლინიკაში რჩება.
ექიმების განცხადებით, მისი ჯანმრთელობის მდგომარეობა დამაკმაყოფილებელია, თუმცა მოზარდს აღენიშნება ნევროლოგიური პრობლემები. მისივე თქმით, ბავშვს თავდასხმის შედეგად დაქვეითებული აქვს მხედველობა. ასევე დაზარალებულს კისერზე ნაჭდევები და სხეულზე სისხლჩაქცევები აღენიშნება.
„იყო თავის ტვინის შერყევა. ტრავმული დაზიანებები იყო, ექსკორიაციები სხეულზე, კისრის არეში. ორივე თვალბუდის არეში არის შეშუპება. ფსკერებზე სისხლჩაქცევები. ინახა ოფთალმოლოგის მიერ. არის ბადურაზე ცვლილებები. ნევროლოგიური სტატუსით მდგომარეობა მნიშვნელოვნად გაუმჯობესებულია. რჩება ოფთალმოლოგიური პათოლოგია. რაიმე ქირურგიულ ჩარევას თვალთან დაკავშირებით არ საჭიროებს", - აღნიშნავს ექიმი -ნევროლოგი თათა სამხარაძე.
ცნობისთვის, 13 წლის ბიჭს ლიფტში უცხო ქვეყნის მოქალაქე დაესხა თავს და მოზარდისთვის თვალების ამოთხრას შეეცადა.
შსს-ს ცნობით, თავდამსხმელი, რომლის მოტივები უცნობია, უკვე დაკავებულია.
მათივე ინფორმაციით, მომხდარზე სისხლის სამართლის საქმე 126-ე მუხლით აღიძრა, რაც ძალადობას გულისხმობს.
