„4 მათგანს აბსოლუტურად სტაბილური მდგომარეობა აქვთ, ალბათ, დღეს, ხვალ ისინი კლინიკას დატოვებენ. ერთი იმყოფება რეანიმაციის განყოფილებაში. გუშინ ოპერაციის შემდგომ მკურნალობას გადიოდა ამ განყოფილებაში. მისი მდგომარეობა სტაბილურია. ალბათ, რამდენიმე საათში აპარატიდან მოიხსნება. ჩვენ აბსოლოტურად სტაბილურად განვიხილავთ ვითარებას და ვფიქრობთ, რომ გამოსავალი პოზიტიური იქნება“, - განაცხადა ღუდუშაურის საავადმყოფოს კრიტიკული მედიცინისა და ანესთეზიის განყოფილების უფროსმა, ნიკოლოზ ქარცივაძემ.
მისი განმარტებით, თავდაპირველად, ღუდუშაურის კლინიკაში 7 პაციენტი შეიყვანეს, ამჟამად მკურნალობას მხოლოდ 5 მათგანი გადის.
ცნობისთვის, გუდაურში მომხდარი შემთხვევის შედეგად, 11 ადამიანი დაშავდა. დაშავებულებიდან ერთი შვედეთის, რუსეთის 6 და უკრაინის 4 მოქალაქეა.
