მარნეულის პოლიკლინიკაში მიმდინარე უფასო აქციას ონკო-ჰემატოლოგთა გუნდიც უერთდება და 20 მარტს ონკოლოგიური პაციენტებისთვის უფასო კონსულტაციები გაიმართება.

პაციენტებს კონსულტაციას გერმანიაში მოღვაწე ონკო-ჰემატოლოგი, კლინიკური ონკოლოგი და ევექსის ქსელის ონკოჰემატოლოგიური სამსახურის უფროსი აიდა გოზალოვა გაუწევს.

26 თებერვლიდან - 1 აპრილამდე მარნეულის პოლიკლინიკაში, რომელიც შ.რუსთაველის ქ. #53-ში მდებარეობს, მიმდინარეობს სამედიცინო აქცია, რომელიც გულისხმობს ექიმების კონსულტაციებს სრულიად უფასოდ, ხოლო ლაბორატორიულ და დიაგნოსტიკურ კვლევებზე 30%-იან ფასდაკლებას.

აქციის ფარგლებში 1 თვის განმავლობაში ადგილობრივი მოსახლეობა სრულიად უფასოდ მიიღებს პირადი ექიმის, ოფთალმოლოგის, ენდოკრინოლოგის, ნევროლოგის, ზოგადი ქირურგის, გინეკოლოგის, ოტორინოლარინგოლოგის, დერმატოლოგის, უროლოგის, ანგიოლოგის კონსულტაციებს.

უფასო კონსულტაციები 10:00 – 17:00 სთ-მდე შ.რუსთაველის ქ. #53-ში მდებარე მარნეულის პოლიკლინიკაში გაიმართება და წარმოებს პაციენტების წინასწარი ჩაწერა: 2550505 ან *0505