გლდანში არასრულწლოვანს ცეცხლსასროლი იარაღი გაუვარდა, რამაც ახალგაზრდა ქალის სიცოცხლე იმსხვერპლა.
წინასწარი ინფორმაციით, გასროლა მაშინ მოხდა, როცა არასრულწლოვანი მამის კუთვნილ იარაღს ათამაშებდა.
როგორც ირკვევა, დაღუპული 26 წლის გოგოა, რომელიც მათთან სტუმრად იმყოფებოდა.
შინაგან საქმეთა სამინისტროს ინფორმაციით, მომხდარზე გამოძიება საქართველოს სისხლის სამართლის კოდექსის 116-ე მუხლით დაიწყო, რაც გულისხმობს სიცოცხლის მოსპობას გაუფრთხილებლობით.
უწყებაში ასევე ამბობენ, რომ ბრალდებული არასრულწლოვანი დაკავებული არ არის.
