აშშ-ის ექს-პრეზიდენტის ბილ კლინტონის და ქვეყნის ამჟამინდელი სახელმწიფო მდივნის, ჰილარი კლინტონის ქალიშვილი ჩელსი დიდი ხნის მეგობარს, ბანკირ მარკ მეზვინსკის ცოლად გაჰყვა.
"ძალიან მოხარულები ვართ და მივესეალმებით მარკის ჩვენ ოჯახში შემოსვლას", - ნათქვამია ბილ და ჰილარი კლინტონების ერთობლივ განცხადებაში.
საქორწინო ცერემონიალში მიპატიჟებულ 500 სტუმარს შორის საზოგადოების ფართო მასებისთვის ცნობილი ადამიანებიც იყვნენ, მათ შორის: კინორეჟისორი სტივენ სპილბერგი, მსახიობი ტომ ჰენქსი, ტელეწამყვანი ოპრა ვინფრი, მომღერალი ბარბარა სტრეიზანდი და აშშ-ის ყოფილი სახელმწიფო მდივანი მადლენ ოლბრაიტი.
მდინარე ჰუძონის ხეობის მიმდებარე ტერიტორიაზე, ნიუ-ორკის შტატში, იქ, სადაც ჩელსი კლინტონის საქორწინო ცერემონიალი გაიმართა უსაფრთხოების ზომების გაძლიერების გამო, საჰაერო სივრცე და საავტომობილო გზები დროებით დაიხურა.
"ასოშიეითიდ პრესის" ინფორმაციით, კლინტონების ქალიშვილის საქორწილო ცერემონიალი 2-დან - 3 მილიონ დოლარამდე დაჯდა.
