ოკუპირებული ახალგორიდან გათავისუფლებული ლევან ქუტაშვილი და იოსებ პავლიაშვილი თავს კარგად გრძნობენ და მათ ჯანმრთელობის პრობლემები არ აქვთ, - ამის შესახებ განცხადება "რუსთავი 2"-ის პრიდაპირ ეთერში შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა გააკეთა. მინისტრის თქმით, ის პირადად შეხვდა ორივე მოქალაქეს.
„ისინი არიან ნორმალურად არ აქვთ ჯანმრთელობის პრობლემები. მნიშვნელოვანია რომ მოხერხდა მათი უსაფრთხოდ გადმოსვლა და გადმოყვანა საქართველოს მიერ კონტროლირებად ტერიტორიაზე “, - განაცხადა ციხელაშვილმა.
ლევან ქუტაშვილი და იოსებ პავლიაშვილი არჩილ ტატუნაშილთან ერთად საოკუპაციო რეჟიმის წარმომადგენლებმა 22 თებერვალს დააკავეს. არჩილ ტატუნაშვილი 23 თებერვალს ოკუპირებულ ქალაქ ცხინვალის საავადმყოფოში გაურკვეველ ვითარებაში გარდაიცვალა. ლევან ქუტაშვილი და იოსებ პავლიაშვილი ცხინვალის ე.წ. ციხიდან გაათავისუფლეს, თუმცა ამ დრომდე ოკუპირებულ ტერიტორიაზე იმყოფებოდნენ. რაც შეეხება არჩილ ტატუნაშვილის ცხედრის გადმოცემას, ზუსტი თარიღი უცნობია.
