თბილისში, აღმაშენებლის გამზირზე, ბიზნესცენტრ "მოზაიკაში" დაშავებული ბავშვის სიცოცხლეს საფრთხე არ ემუქრება.
არსებული ინფორმაციით, 6 წლის ბიჭი საკონცერტო დარბაზ „კონგრეს ჰოლში“, მე-5-დან მე-3 სართულზე ჩავარდა.
დაშავებული ინგოროყვას საუნივერსიტეტო კლინიკაში გადაიყვანეს.
მომხდარი შემთხვევის გამო, „კონგრეს ჰოლში“ დღეს დაგეგმილი კონცერტები გადაიდო.
ცნობისთვის, თავდაპირველად გავრცელდა ინფორმაცია, რომ ის შენობიდან გადავარდა.
