ჩეჩნეთის მთიან რეგიონში, საქართველოს საზღვართან ახლოს, ვერტმფრენი მი-8 ჩამოვარდა. დაღუპულია სავარაუდოდ შვიდი და დაშავებულია ერთი ადამიანი. მისი ევაკუაცია უკვე მოხდა კატასტროფის ადგილიდან.
"ერთ-ერთი დაზარალებულის ევაკუაცია უკვე მოხერხდა. დაზუსტებული ინფორმაციით ვერტმფრენში შვიდი ადამიანი იმყოფებოდა. აქედან სამი დაიღუპა, სამს ჯერ კიდევ ეძებენ. ადგილზე მუშაობს ექვსი სასწრაფო სამედიცინო დახმარების ჯგუფი" - იუწყება რია ნოვოსტი ჩეჩნეთის ჯანდაცვის სამინისტროზე დაყრდნობით.
შეგახსენებთ, რომ ვერტმფრენი დღეს, ჩეჩნეთში, ხანგიხოის ხეობაში, საქართველოს საზღვართან ახლოს ჩამოვარდა.
