თბილისი პირველად უმასპინძლებს საერთაშორისო ინიციატივას „დავრეკოთ ზარი გენდერული თანასწორობისთვის“(Ring the Bell for Gender Equality)

საქართველოს საფონდო ბირჟის, საერთაშორისო საფინანსო კორპორაციის (IFC), სიდას, და  გაეროს ქალთა ორგანიზაციის წარმომადგენლები გენდერული თანასწორობის საკითხებზე იმსჯელებენ

ქალთა საერთაშორისო დღის აღსანიშნავად თბილისმა დღეს პირველად უმასპინძლა საერთაშორისო ინიციატივას „დავრეკოთ ზარი გენდერული თანასწორობისთვის“ (Ring the Bell for Gender Equality). მისი მიზანი  ეკონომიკური განვითარებისა და ზრდისთვის გენდერული თანასწორობის მნიშვნელობის ხაზგასმა იყო.

ღონისძიებაზე იმსჯელებენ თუ როგორ უწყობს ხელს ქალთა როლის გაძლიერება კერძო კომპანიების ნაყოფიერების ამაღლებას, რაც საბოლოოდ ეკონომიკურ განვითარებას და სამუშაო ადგილების შექმნას, შემოსავლების ზრდას და განვითარების სტიმულირებას განაპირობებს.

ღონისძიება 7 მარტს, 10:00 საათზე, სასტუმრო „ჰოლიდეი ინში“ გაიმარტება.

თბილისის ღონისძიება 60-ამდე სხვა ქალაქში ჩატარებული გლობალური კამპანიის ნაწილია, რომელიც მსოფლიო ბანკის ჯგუფის წევრის საერთაშორისო საფინანსო კორპორაციის (IFC), საქართველოს საფონდო ბირჟის, გაეროს ქალთა ორგანიზაციის (UN Women),სამოქალაქო განვითარების სააგენტოს (CiDA), Global Compact-ის საქართველოს ქსელის სამდივნოს პარტნიორობით შედგა. ნორვეგიის საგარეო საქმეთა სამინისტრომ ღონისძიებას ფინანსური მხარდაჭერა გაუწია, გაეროს ქალთა ორგანიზაციის პროგრამის მეშვეობით.