ყოფილმა პარლამენტარმა ელიზბარ ჯაველიძემ "ტვ პირველის" გადაცემა "რეაქციის" პირდაპირ ეთერში, გადაცემის წამყვან ინგა გრიგოლიას სიტყვიერი შეურაცხყოფა მიაყენა.
აკადემიკოსი განმარტავდა, თუ რატომ მოაწერა ხელი წერილს, რომელშიც ეწერა, რომ პროდასავლურმა პოლიტიკამ და ქართველების სწრაფვამ ნატო-ს სამხედრო ალიანსისკენ გაართულა საქართველოს ურთიერთობები მეზობელ რუსეთთან და სწორედ ამან განაპირობა საქართველოს ტერიტორიული მთლიანობის რღვევა.
ეთერიდან გასვლისას ელიზბარ ჯაველიძემ ინგა გრიგოლიას სიტყვიერი შეურაცხყოფა რამდენჯერმე მიაყენა.
გრიგოლიამ ჯაველიძეს "მადლობა" გადაუხადა და აღნიშნა, რომ "ასეთი კორექტული სტუმარი არასდროს ჰყოლია".
"ყველაფერი მინახავს მრავალი წლის განმავლობაში, პირდაპირ ეთერში დედა პირველად შემაგინეს", - აღნიშნა გრიგოლიამ.
შეგახსენებთ, აღნიშნულ წერილს ხელს აწერდნენ: რობიკო სტურუა, რეზო ამაშუკელი, ქეთი დოლიძე, ელიზბარ ჯაველიძე, თამაზ წივწივაძე, გოგი ქავთარაძე, გოგი ხარაბაძე, გიორგი კვესიტაძე, ჯონდი ბაღათურია და თემო გოცაძე.
