თბილისში, ცაბაძის ქ-ჩა 8 ნომერში მდებარე ბაზრობა „თერგის“ ფართობი 14 ათასი კვადრატული მეტრია. საჯარო რეესტრის მონაცემებით, მისი მფლობელია შპს “თერგი 1”.
კომპანიას 23 მეწილე ჰყავს და მისი დირექტორი კომპანიის 7,8 პროცენტის მფლობელი ჯემალ ქადაგიშვილია. საჯარო რეესტრში კომპანინის შესახებ ინფორმაცია, ბოლოს, 2014 წლის 27 ივნისს განახლდა.
ბაზრობის მფლობელებს და მეწილეებს კომენტარი არ გაუკეთებიათ.
თბილისში, ცაბაძის ქუჩაზე, ბაზრობა „თერგში“ ხანძარი გვიან ღამით გაჩნდა. საგანგებო სიტუაციათა სამსახურში ხანძრის შესახებ შეტყობინება 00:15 საათზე შევიდა. დაშავებულთა შესახებ ამ დროისთვის ინფორმაცია არ ვრცელდება. თბილისის მერის მოადგილის სოფო ხუნწარიას ინფორმაციით, რამდენიმე ადამიანს დასჭირდა სამედიცინო დახმარება, თუმცა როგორც მან აღნიშნა, არა ხანძრის გამო. წინასწარი მონაცემებით, დამწვარია 3 000 კვ.მ-მდე ტერიტორია.
