ბათუმი-თბილისის მატარებელზე სტუდენტები შეღავათიანი ფასის ბილეთებით ვერ სარგებლობენ.
"აჭარის ტელევიზიის" ინფორმაციით, სტუდენტური ფასდაკლება 19 თებერვლიდან შეწყდა.
როგორც საქართველოს რკინიგზაში აცხადებენ, ფასდაკლება არ გაუქმებულა და ხარვეზების აღმოფხვრის შემდეგ სტუდენტები კვლავ შეღავათიანი ფასით ისარგებლებენ.
ცნობისთვის, სტუდენტური შეღავათი მხოლოდ მაგისტრალური მიმოსვლის ყველა ელექტრომატარებლის მეორე კლასისა და სამგზავრო მატარებლების კუპირებულ ვაგონებზე ვრცელდებოდა.
შეღავათიანი ბილეთის მფლობელი სტუდენტების მატარებლებში დაშვება 2017 წლის მაისში გამარტივდა.
