ჯანდაცვის სამინისტროს შრომისა და დასაქმების პოლიტიკის დეპარტამენტის უფროსის, ელზა ჯგერენაიას განცხადებით, შრომის ინსპექტორების საქმიანობის გასაკონტროლებელი მექანიზმები სისტემაში არსებობს.
როგორც ჯგერენაიამ პირველი არხის ეთერში განმარტა, შრომის უსაფრთხოების შესახებ კანონს ახალ ეტაპზე გადაჰყავს შრომითი ურთიერთობები, რომელიც კონსტრუქციულ თანამშრომლობაზე იქნება აგებული.
„რაც შეეხება კადრების გადამზადებას, ამაში მხარს გვიჭერს შრომის საერთაშორისო ორგანიზაცია. ტრენინგები დღემდე მიმდინარეობს და კადრების კრიზისი ნამდვილად არ იქნება. ამაში ჩართული იქნებიან არა მხოლოდ დამსაქმებელი და საზედამხედველო ორგანოები, არამედ ორგანიზებული შრომის წარმომადგენლები. ეს ფორმატი ხელს შეგვიწყობს, წამოჭრილი მწვავე საკითხები გადაწყდეს“, – განაცხადა ელზა ჯგერენაიამ.
