თბილისში, მეტროსადგურ "დიდუბის" ტერიტორიაზე მოზარდებს შორის დაპირისპირება მოხდა.
არსებული ინფორმაციით, შემთხვევის შედეგად 15 და 16 წლის მოზარდები დაშავდნენ.
დაშავებულები იაშვილის კლინიკაში არიან გადაყვანილი. ექიმების ინფორმაციით, მათ სხეულის მსუბუქი დაჟეჟილობა აღენიშნებათ.
შინაგან საქმეთა სამინისტროს ცნობით, მომხდარზე გამოძიება სსკ-ის 126-ე, ძალადობის მუხლით მიმდინარეობს.
