კლუბი BASSIANI „ობიექტივს“, „ასავალ-დასავალსა“ და ე.წ. ქართული მარშის წევრებს ცილისწამებისთვის უჩივლებს, - ამის შესახებ კლუბის დამფუძნებლმებმა განაცხადეს.
მათი თქმით, სარჩელი ძირითადად ეხება ცილისწამებას და ისინი ამ ბრალდებების უარყოფას მოითხოვენ.
"გვაბრალებენ, თითქოს ჩვენთან იყიდება ნარკოტიკები. ათასგვარი ცილისწამებაა. მიმართავენ შსს-ს, რომ შემოვიდნენ კლუბში და რეიდი მოაწყონ. ბოლო ორი თვეა, "ასავალ-დასავალის: ნომერი არ ყოფილა, რომ "ბასიანი" არ ყოფილიყო ნახსენები ამ ჭრილში", - აღნიშნავენ დამფუძნებლები.
BASSIANI-ს ერთ-ერთი დამფუძნებლის, ნაჯა ორაშვილის თქმით, "ქართულმა მარშმა" შექმნა ე.წ სახალხო პატრული, რომელიც იმუქრება, რომ კლუბთან იქნება მობილიზებული:
"გვაქვს ინფორმაცია, რომ აპირებენ ვიდეოების დადგმას, თითქოს კლუბში ნარკოტიკული საშუალებები იყიდება. რეალურად გვაბრალებენ სისხლის სამართლის დანაშაულს.
იმუქრებიან, რომ მოვლენ და თავებს დაუხეთქავენ აქ მოსულ ადამიანებს, რაც, რა თქმა უნდა, პრობლემებს ქმნის ბიზნესის მიმართულებით", - განაცხადა ორაშვილმა.
