"თქვენთან კომუნიკაციაზე არასდროს მითქვამს უარი", - ასე მიმართა საქართველოს პრემიერმინისტრმა, გიორგი კვირიკაშვილმა "აუდიტორია 115-ის" წევრებს, რომლებიც თსუ-ის 100 წლის იუბილესთან დაკავშირებულ ღონისძიებაზე არ დაუშვეს.
პრემიერის განმარტებით, მას უთხრეს რომ "აუდიტორია 115-ის" წარმომადგენლები ღონისძიებაში მონაწილეობდნენ.
“აქ არიან ჩამოსული მთელი მსოფლიოდან სტუმრები.სიის შედგენა არ მომხდარა ჩემ მიერ. მე როგორც მითხრეს, თქვენი წარმომადგენლები მონაწილეობდნენ ღონისძიებაში. ძალიან სამწუხაროა, მაგრამ კიდევ ერთხელ ვიმეორებ, თქვენთან კომუნიკაციაზე არასდროს მითქვამს უარი. ახლაც მოვედი, მაშინაც მივედი და საერთოდ არ მჭირდება დაცვა”, – განაცხადა გიორგი კვირიკაშვილმა.
შეგახსენებთ, "აუდიტორია 115-ის“ წევრებს თსუ-ის 100 წლის იუბილესთან დაკავშირებულ ღონისძიებაზე არ შეუშვეს. ორგანიზაციის წევრებმა აღნიშნული ფაქტი თბილისის სახელმწიფო უნივერსიტეტში მისულ პრემიერმინისტრთან გააპროტესტეს.
როგორც მოძრაობის წევრი, ნათია ქარჩილაძე აღნიშნავს, პიროვნებამ, რომელიც შესასვლელ კართან იდგა "აუდიტორია 115-ის“ წევრებს GPA-ის წარმოდგენა მოსთხოვათ, თუმცა მათი აკადემიური მოსწრების ნახვის შემდეგ გაიქცა.
