თბილისში, თემქის დასახლების მე-11 მიკრორაიონის მე-20 კორპუსში 7 ადამიანი ბუნებრივი აირის გაჟონვით მოიწამლა.
ისინი ინტოქსიკაციის სხვადასხვა ნიშნებით იაშვილის კლინიკაში გადაიყვანეს. მათი მოწამვლის მიზეზად, გაზით ინტოქსიკაცია დადასტურებულია.
კლინიკის ექიმის განცხადებით, მიმდინარეობს დაკვირვება, თუმცა, ცნობილია, რომ ბავშვების ჯანმრთელობის მდგომარეობა სტაბილურია. მათივე ინფორმაციით, ოთხივე მოზარდი ერთი და იგივე სიმპტომებით შეიყვანეს კლინიკაში. მათ აღენიშნებოდათ თავბრუსხვევა და გულის რევა.
imedinews.ge-ს ინფორმაციით, თემქაზე ერთ-ერთ ოჯახში სტუმრები იმყოფებოდნენ, როდესაც იქ მყოფმა 7-მა ადამიანმა სისუსტე იგრძნო.
ამ დროისთვის, ბინაში ყაზტრანსგაზის თანამშრომლები მუშაობენ.
