აქტიურ სარეზერვო სამსახურში მყოფი პირის წლიური სახელფასო ანაზღაურება, საშუალოდ, 3 582 ლარი იქნება - თანხა მოიცავს 2090 ლარს (წ/სარგოს 20%-ი წლის განმავლობაში) და 1492 ლარს (წ/სარგოს 100%-ი 45 დღეში).
2018 წელს საპილოტე პროექტი, ითვალისწინებს აქტიურ რეზერვში 260 პირის მიღებას, სარეზერვო სისტემის რეფორმირების მიმართულებით მომზადებულ საკანონმდებლო პაკეტს პარლამენტის საფინანსო - საბიუჯეტო კომიტეტი იხილავს.
2018 წლის განმავლობაში აქტიურ რეზერვში მყოფი პირების შრომის ანაზღაურების, კვების, აღჭურვის და მომზადების მთლიანი ხარჯი შეადგენს - 1 370 934 ლარს.
რეზერვის სისტემის რეფორმასთან დაკავშირებით, საკანონმდებლო ცვლილებები 11 კანონში შედის, რომლის ძირითადი ნაწილი 2018 წლის 1-ელი ივნისიდან ამოქმედდება, ხოლო სამობილიზაციო რეზერვის ელექტრონული მართვის სისტემის ნაწილი 2020 წლის 1-ელი ივნისიდან. აღნიშნული საკანონმდებლო პაკეტის ინიცირება 29 იანვარს, ბიუროს სხდომაზე მოხდა, მისი ავტორი თავდაცვის სამინისტროა.
