უამინდობის გამო ხაშური-ზესტაფონის საუღელტეხილო მონაკვეთზე მატარებლებს გადაადგილების პრობლემა შეექმნათ.
როგორც სს „საქართველოს რკინიგზის“ განცხადებაშია აღნიშნული „ხაშური-ზესტაფონის საუღელტეხილო მონაკვეთზე მკაცრი მეტეოროლოგიური პირობების გამო, ელექტროენერგიის შეზღუდვის შედეგად, დროებით შეფერხება შეექმნათ მაგისტრალზე მოძრავ მატარებლებს. ამჟამად ელექტროენერგიის მიწოდება აღდგენილია და მატარებლების გაშვება ხდება ეტაპობრივად.
სს „საქართველოს რკინიგზის“ ყველა შესაბამისი სამსახური მუშაობის განსაკუთრებულ რეჟიმზეა გადასული“.
