თბილისის ზღვის ტურბაზასთან არსებულ დევნილთა დასახლებაში მდებარე ბაგა-ბაღ „იმედის“ ხუთი აღსაზრდელი შეუძლოდ გახდა. მათგან სამი საავადმყოფოში გადაიყვანეს.
ბაღების მართვის სააგენტოს ინფორმაციით, აღსაზრდელებს აღენიშნებოდათ პირღებინება.
როგორც სააგენტოში საზოგადოებრივ მაუწყებელს განუცხადეს, ჯერჯერობით უცნობია, რა არის შემთხვევის მიზეზი, ვირუსული ინფექცია, თუ საკვებით ინტოქსიკაცია.
მათივე ინფორმაციით, საკვების სინჯები უკვე გადაგზავნილია ლაბორატორიულ შემოწმებაზე.
