თბილისში, ატენის ქუჩის მცხოვრებლებმა სახალხო დამცველის ოფისთან 27-სართულიანი კორპუსის მშენებლობა გააპროტესტეს და მოითხოვეს, რომ აღნიშნულ პრობლემაზე ნინო ლომჯარიამ შესაბამისი რეკომენდაციები გასცეს.
მათი განცხადებით, მერიის არქიტექტურის სამსახურმა მიუხედავად სასამართლო აკრძალვისა, კორპუსის მშენებლობის ნებართვა ხელახლა გასცა.
პარალელურად, ომბუდსმენის ოფისთან ის ადამიანებიც იმყოფებოდნენ, რომლებიც უკვე რამდენიმე წელია აღნიშნული კორპუსის აშენებას ელოდებიან. მათი განცხადებით, დაზარალებულები თავად არიან და არა ის ადამიანები, რომლებიც მშნებლობას აპროტესტებენ.
სახალხო დამცველმა განაცხადა, აღნიშნულ პრობლემას შეისწავლის.
ფოტო: 1tv.ge
