შოტლანდიური სუპერმარკეტების ქსელმა Margiotta Food & Wine-მ Pepper-ის რობოტის სამსახურიდან გათავისუფლების გადაწყვეტილება მიიღო. კომპანიის მენეჯმენტი მიიჩნევს, რომ რობოტმა ფაბიომ მასზე დაკისრებული მოვალეობის შესრულება ვერ შეძლო.
ფაბიოს მოვალეობას წარმოადგენდა კლიენტებს ამა თუ იმ ნივთისა თუ პროდუქტის მოძიებაში დახმარება. თუმცა რობოტმა კლიენტისთვის გარკვეული პროდუქტის მდებარეობის მითითება ვერ მოახერხა. მაგალითად, კლიენტი თუ იკითხავდა, სადაა რძე? რობოტი პასუხობდა, რომ მაცივარში, თუმცა არ განმარტავდა სად იდგა ეს მაცივარი. იყო შემთხვევა, როდესაც კლიენტმა საკუთარ კითხვაზე პასუხი საერთოდ ვერ მიიღო.
სუპერმარკეტების მფლობელმა გაიხსენა შემთხვევა, როდესაც რობოტმა ხელმძღვანელის წინაშე შთაბეჭდილების მოხდენის მიზნით უკბილო ხუმრობაც კი სცადა: „რას ნიშნავს, როდესაც ერთი ძროხა მერე ძროხას თვალს არ აშორებს“?. „თვალთვალს“ თავადვე გასცა კითხვას პასუხი ფაბიომ.
კლიენტების ნაწილი ფაბიოს გაურბოდა და საბოლოოდ ხელმძღვანელობამ, მისი სამსახურიდან განთავისუფლების გადაწყვეტილება მიიღო. ფაბიომ მაღაზიაში სულ ერთი კვირა იმუშავა. როდესაც ფაბიოს სამსახურიდან გათავისუფლების შესახებ აცნობეს, ის აგრესიული გახდა. რობოტი სამეცნიერო ცენტრ Heriot-Watt-ში გადააგზავნეს, რომელმაც ფაბიო თავის დროზე დამხმარე რობოტად წარმოადგინა.
