პირველი რობოტი, რომელმაც მოქალაქეობა მიიღო, თურქეთში ჩავა.
კომპანია Hanson Robotics-ის მიერ შექმნილი ჰუმანოიდი რობოტი, სახელად სოფია, სტამბოლში დაგეგმილ Marketing Meetup 2018-ში სტუმრის სტატუსით მიიღებს მონაწილეობას.
ღონისძიებაზე, რომელიც 19 აპრილს დაიწყება, სოფია ყველა შეკითხვას უპასუხებს რასაც კი მას დაუსვამენ.
ჰუმანოიდი სოფია საუდის არაბეთის მოქალაქე გახდა. ის პირველი რობოტია, რომელმაც მოქალაქეობა მიიღო. თავის მხრივ, საუდის არაბეთი ერთადერთი ქვეყანაა, რომელსაც რობოტი მოქალაქე ჰყავს.
ჰუმანოიდ რობოტს ადამიანის მსგავსი ვიზუალი, ქცევები და ემოციები აქვს.
