შრომის საერთაშორისო ორგანიზაციის (ILO) მიმოხილვის თანახმად, 2017 წელს, მსოფლიოში 192 მილიონი ადამიანი უმუშევარი იყო. ორგანიზაციის ხელმძღვანელის, გაი რაიდერის განცხადებით, უმუშევრობის დონე დედამიწის შრომითუნარიანი მოსახლეობის 5,6%-ს შეადგენს.
აღსანიშნავია, რომ უმუშევრობის ყველაზე მაღალი მაჩვენებელი ჩრდილოეთ აფრიკაში (8,7 მილიონი უმუშევარი - 11.7 %) ფიქსირდება.
რაც შეეხება ჩრდილოეთ, სამხრეთ და დასავლეთ ევროპას, აქ შედარებით აქ 2008 წლის შემდეგ, უმუშევრობის ყველაზე დაბალი მაჩვენებელი - 8,5% დაფიქსირდა.
გაი რაიდერის შეფასებით, დადებითი დინამიკა ეკონომიკური კრიზისისგან ყველაზე მეტად დაზარალებულ საბერძნეთსა და ესპანეთში შეინიშნება, თუმცა უნდა აღინიშნოს, რომ 1.4 მილიარდი დასაქმებული თავს გაჭირვებით ირჩენს.
ამავე მონაცემების მიხედვით, დასაქმების კუთხით, საქართველო განვითარებადი ქვეყნების იმ ჯგუფს მიეკუთვნება, სადაც შემოსავალი საშუალოზე დაბალია.
