ხარაგაულის რაიონის სოფელ ბეჟათუბანში, სარკინიგზო გვირაბის მშენებლობაზე მომხდარი აფეთქებისას დაშვებული 61 წლის მამაკაცის ჯანმრთელობის მდგომარეობა მძიმეა, ის გვიან ღამით ხაშურის საავადმყოფოდან თბილისის ტრავმატოლოგიურში გადმოიყვანეს.
დაშვებულს აღენიშნება ქალა ტვინის დახურული მოტეხილობა, ნეკნების მრავლობითი მოტეხილობა და მხრის ძვლის დისტალური მოტეხილობა.
რაც შეეხება კიდევ ორ დაშვებულს, ისინი ხაშურის საავადმყოფოდან გაწერეს.
შეგახსენებთ, გუშინ, 22 იანვარს ხარაგაულის რაიონის სოფელ ბეჟათუბანში, სარკინიგზო გვირაბის მშენებლობაზე აფეთქება მოხდა. შედეგად დაშავდა 3 მუშა.
შემთხვევამდე რამდენიმე დღით ადრე მუშები შრომითი უსაფრთხოების ნორმების უხეშ დარღვევას აპროტესტებდნენ, რის შემდეგაც ადგილზე შრომის სამინისტროს ინსპექტირების დეპარტამენტი ჩავიდა.
შინაგან საქმეთა სამინისტროს ინფორმაციით, მომხდარზე გამოძიება საქართველოს სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ადამიანის ჯანმრთელობის დაზიანება გამოიწვია.
ფაქტს იკვლევს ეკონომიკის სამინისტროც.
