აფხაზეთის მთავრობის თავმჯდომარის, გიორგი ბარამიას ინიციატივით ქართველი
და აფხაზი ბავშვები საბერძნეთში, კუნძულ კრეტაზე დაისვენებენ.
ბავშვები საბერძნეთში ორი კვირის მანძილზე დარჩებიან და დასვენების
პერიოდში საზაფხულო ბანაკში ადგილობრივ კულტურას გაეცნობიან.
აფხაზეთის მთავრობის თავმჯდომარემ გიორგი ბარამიამ საბერძნეთში მიმავალი
ბავშვები დღეს პირადად გააცილა. გამგზავრების წინ დევნილი მოზარდები მამა
პიმენმა დალოცა.
გიორგი ბარამიას განცხადებით, პროექტი ქართველი და აფხაზი ბავშვებისგან
ერთობლივი ჯგუფის შექმნასა, მათ ერთად დასვენებასა და დამეგობრებას
ითვალისწინებს.
"ჩვენი სურვილია ბავშვებმა ნახონ თუ როგორია დანარჩენი ევროპა, გაეცნონ
ბერძნულ კულტურასა და მათი თანატოლების ცხოვრებას"- განაცხადა აფხაზეთის
მთავრობის თავმჯდომარემ.
დამსვენებელთა კიდევ ერთი ნაკადი კუნძულ კრეტაზე 13 აგვისტოს გაემგზავრება.