"ჩვენმა მტრებმა ირანის წინაღდეგ ახალი პროპაგანდისტული ომი გააჩაღეს, რომლის სცენარის ავტორი და რეჟისორი არის აშშ ხოლო დამდგმელი რუსეთის პრეზიდენტი", _ განაცხადა ირანის პრეზიდენტმა.

მისივე თქმით, ირანი და რუსეთი არიან მეგობრები და იგი იმდოვნებს რომ ეს მეგობრობა გაგრძელდება.

"მაგრამ ჩნდება კითხვა რატომ იწყებს რუსეთის პრეზიდენტი მონაწილეობას ამერიკულ პიესაში და რატომ უქმნის საფრთხეს თავის ქვეყანას", _ განაცხადა აჰმადინეჯადმა.

მისივე თქმით, რუსეთის პრეზიდენტის მიერ უცხო ქვეყნის ელჩებთან გაკეთებული განცხადება, იმის თაობაზე, რომ ირანი უახლოვდება პოტენციალს, რომელიც "პრინციპში შესაძლებელია გამოყენებული იქნას ბირთვული იარაღის შესაქმნელად", არავითარ იურიდიულ ძალას არ ეფუძნება და ამ "ახალი შეთქნულების შედეგად ახლო აღმოსავლთის ორი ქვეყანა, რომელიც ირანის მეგობრები არიან შესაძლოა ისრაელის თავდასხმის ობიექტები გახდნენ".

ირანის პრეზიდენტმა არ განავრცო შეთქმულების თემა, მაგრამ აღნიშნა რომ ამ შეთქმულების მიზანია ირანელი ხალხის ნების დასუსტება. მან ასევე განმარტა რომ ამ შეთქმულებაში ჩართულია "ირანელი ელემენტები" და აღნიშნულით ქვეყნის ოპოზიციაზე მიანიშნა.

"მაგრამ მათი ძალისხმევა არავითარ შედეგს არ მოიტანს, რადგან ირანელი ხალხი ასობით ასეთ შეთქმულებად დაამხპბს", _ განაცხადა ირანის პრეზიდენტმა და დასძინა "მსოფიოს წამყვანი სახელმწიფები მიიჩნევენ, რომ შეთქმულება საიდუმლოა, მაგრამ მისი სცენარი ჩვენს ხელშია და საჭირო დროს ამ პროპაგანდისტური შეთქმულების დეტალები საზოგადოებისათვის ცნობილი გახდება".