ბრიტანულმა გამოცემა Aviation Solutions-მა, 2017 წლისთვის მსოფლიოში ყველაზე პუნქტუალურ ავიაკომპანიას, ლატვიის ნაციონალური ავიაკომპანია airBaltic-ი დაასახელა.
Aviation Solutions-ის ინფორმაციით, airBaltic-მა 2017 წელს განხორციელებული რეისების მიხედვით, პუნქტუალურობის 90,01%-იანი მაჩვენებელი დადო. ეს კი იმას ნიშნავს, რომ ავიაკომპანიის მიერ განხორციელებული ყოველი 100 რეისიდან 90 რეისზე მეტი ზედმიწევნითი პუნქტუალურობით იყო შესრულებული.
როგორც airBaltic-ის მენეჯმენტი აცხადებს, 2017 წელი ავიაკომპანიისათვის საკმაოდ აქტიური იყო. 2017 წელს ავიაკომპანიამ გაზარდა როგორც რეისების რაოდენობა ასევე მოახერხა და რეკორდული რაოდენობის მგზავრი გადაიყვანა.
შეგახსენებთ, რომ airBaltic-ი რიგადან 60-ზე მეტი მიმართულებით ასრულებს რეისებს.
