წმინდა მიქაელ მთავარანგელოზის სახელობის მრავალპროფილიანი კლინიკური საავადმყოფოს მენეჯერის, ზაზა ლურსმანაშვილის განცხადებით, სპეცოპერაციისას დაჭრილი თემირლან მაჩალიკაშვილის ჯანმრთელობის მდგომარეობა კვლავ მძიმეა.
მისივე თქმით, მკურნალობა არსებული გეგმით გრძელდება.
"ოფიციალური ინფორმაცია ჯერ არ მიგვიღია საზღვარგარეთის კლინიკებისგან პაციენტის მიღებაზე უართან დაკავშირებით. მშობლებისგან ვიცი, რომ ავსტრიის კლინიკამ განაცხადა უარი მაჩალიკაშვილის მიღებაზე და მიზეზად ადგილების არქონა დაასახელეს”,- განაცხადა ექიმმა.
შეგახსენებთ, თემირლან მაჩალიკაშვილი პანკისის ხეობაში 26 დეკემბერს ჩატარებული სპეცოპერაციისას დაიჭრა. როგორც სახელმწიფო უსაფრთხოების სამსახურში განმარტავენ, მაჩალიკაშვილი სპეცოპერაციისას დაკავებულ ოთხ პირთან ერთად ტერორიზმში ბრალდებულ პირებს დახმარებას უწევდა.
