თბილისის საერთაშორისო აეროპორტი მუშაობას ჩვეულ რეჟიმში აგრძელებს. როგორც აეროპორტის მმართველ კომპანია "ტავ ჯორჯიაში“ აცხადებენ, ძლიერი ნისლის გამო გადადებული ხუთი რეისიდან ოთხი უკვე შესრულდა, ხოლო დარჩენილი ერთი რეისი, მოგვიანებით განხორციელდება, მას შემდეგ რაც თელავივიდან გამოფრენილი თვითმფრინავი თბილისის საერთაშორისო აეროპორტში დაჯდება.
როგორც ცნობილია ძლიერი ნისლის გამო თბილისის საერთაშორისო აეროპორტში 10 რეისი გაუქმდა, ხუთი კი გადაიდო.
გავრცელებული ინფორმაციით, გაუქმებული რეისების მგზავრებს ავიაკომპანიები უკვე დაუკავშირდნენ, ხდება მათი ბილეთების გადაჯავშნა და ისინი უახლოეს რეისებზე შეძლებენ გამგზავრებას.
