ქუთაისში, ნიკეას ქუჩაზე, საცხოვრებელ კორპუსში აფეთქება მოხდა. გავრცელებული ინფორმაციით, კორპუსში ბუნებრივი აირი აფეთქდა. შემთხვევას მსხვერპლი არ მოჰყოლია, დაშავებულია ერთი ადამიანი. 80 წლამდე ქალი, რომელიც შემთხვევის დროს სახლში მარტო იმყოფებოდა, საავადმყოფოშია გადაყვანილი.
გამოძიება 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს,რამაც გამოიწვია ჯანმრთელობის დაზიანება.
