ლვოვსა და ბათუმს შორის პირდაპირი ფრენები იწყება. ავიაკომპანია Yanair Airlines-ის გადაწყვეტილებით, 2018 წლის 8 ივნისიდან დასავლეთ უკრაინაში მდებარე ქალაქ ლვოვსა და საქართველოს ზღვისპირა კურორტ, ბათუმს შორის პირდაპირი ფრენები დაიწყება.
უკვე გაწერილი განრიგის მიხედვით, ავიარეისები ყოველ სამშაბათს და პარასკევს, ბათუმიდან ადგილობრივი დროით 13:15 საათზე, ხოლო ლვოვიდან, ადგილობრივი დროით 16:00 საათზე განხორციელდება. ეკონომკლასის, ორი გზის, ავიაბილეთი ფასი 219 დოლარი იქნება, რაც ითვალისწინებს კვებას და 23 კილოგრამის ოდენობით ჩასაბარებელ ბარგს.
აღსანიშნავია, რომ ლვოვი-ბათუმის მიმართულებაზე Yanair Airlines-მა ბილეთების რეალიზაცია უკვე დაიწყო.
