პოლონეთის ავიახაზები LOT-ი ზამთრის სეზონური ფასდაკლებების მორიგ აქციას აცხადებს. როგორც LOT-ის საქართველოს წარმომადგენლობაში განმარტავენ, თბილისი-ვენა-თბილისის მიმართულებაზე ავიაბილეთის ფასი 239 ევროს, თბილისი-ლონდონი-თბილისის მიმართულებაზე - 249 ევროს, თბილისი-ამსტერდამი-თბილისის მიმართულებაზე 209 ევროს, ხოლო თბილისი- კიშინიოვი-თბილისის მიმართულებაზე ავიაბილეთის ფასი 229 ევროს შეადგენს. აღსანიშნავია, რომ ამ მიმართულებებზე ფრენები სრულდება ვარშავის გავლით. აქცია ვრცელდება 15 იანვრიდან 31 მარტამდე განხორციელებულ ფრენებზე, რომლის ფარგლებშიც ავიაბილეთების შეძენა 14 იანვრამდე უნდა მოხდეს.
