ბათუმის ბულვარში, განახლებული საბავშვო კუთხე პატარებს უკვე მასპინძლობს. ბათუმის ბულვარის ადმინისტრაციის ინფორმაციით, ბავშვთა გასართობ მოედანზე ახალი საბავშვო ატრაქციონები დამონტაჟდა. დაემატა სხვადასხვა კატეგორიის საბავშვო გასართობი ატრაქციონები. კერძოდ: ჩამოსასრიალებელი, ასაცოცებელი და ათი ერთეული ზამბარიანი ატრაქციონი. განახლდა და საბავშვო თემატიკით მოიხატა მოედნის საფარი.
ატრაქციონების შეძენა-მონტაჟის სამუშაოები შპს „გეოლოდმა“ განახორციელა. საბავშვო ატრაქციონების შესყიდვა-მონტაჟის საერთო ღირებულებამ 108 850-ლარი შეადგინა.
